XI Chanson [modifier]
Veu que tu es plus blanche que le lyz,
Qui t'a rougi ta levre vermeillette
D'un si beau teint? qui est ce qui t'a mis
Sur ton beau sein ceste couleur rougette?
Qui t'a noircy les arcz de tes sourcis?
Qui t'a bruny tes beaux yeux, ma maitresse!
O grand beaulté remplie de soucis,
O grand beaulté pleine de grand liesse?
h
O douce, belle, honeste cruauté,
Qui doucement me contrains de te suivre:
O fiere, ingrate, et facheuse beauté,
Avecque toy je veulx mourir et vivre.